Mei Liadabuach - Vogal auf an Mosd

Das ist die Seite von Gustav Freudmann / Mei Liadabuach

Vogal auf an Mosd

(Bird on a Wire/Leonard Cohen)

Wia_r_a Vogal,
auf an Mosd,
wia_r_a Bsuff, den wos jeda hossd,
hob is prowiad auf mei Oadt
und woidt sei
nix wia frei.

Wia_r_auf an Hokn,
a Wuam,
wia_r_a Ridta, vua dausnd Joa gschduam,
hob i gschaud
zum Iwalebn.
Nua fia di.

Waunn i amoi,
zu dia schiach woa,
so wias nua i kau...
Daunn winsch i ma,
du schdehsd driwa
und dengsd nimma drau...

Und waunn i amoi,
iagndwaunn amoi,
wos Besas dau häd...
Daunn winsch i ma
du soisd wissn,
dia sicha ned...

Jo, wia_r_a Beebi,
des wos ned hod gschoffd,
wia_r_a wüdes Viech, voi in Sofd,
hob i ghoffd,
i zreiss an jedn,
dea ma zuwekummd.

Owa i schweas
bei den Liad
und bei oin, wos i hob aufgfiad,
Am End wiad ois
guad wean.
Fia di.

An Bedla hob i gseng
dea hod gsogd zu mia,
heasd, bleda Bua!
Wos wüsdn no?
Hosd jo eh scho
vü mea wia gnua.

Und a fesche Kods
in ana Einfoadt
hod ma gruafn, kumm hea!
Sog, wosd wüsd!
Du griagsd ois
und no vü mea!

Jo, wia_r_a Vogal,
auf an Mosd,
wia_r_a Bsuff, den wos jeda hossd,
hob is prowiad auf mei Oadt
und woidt sei
nix wia frei.